DAY29，啱啱瞓醒

各位早晨啊! 希望大家有開心快樂的新一日啦!

Day 6 飲奶奶

返屋企第二日，而家飲奶30ml，因為黃疸指數高，仲要返醫院覆診！

終於可以返屋企喇！

下！點解唔可以一齊出院呀？

由於醫生想觀察大眼仔嘅情況，所以冇得一齊出院，姑娘同我講嘅時候，眼淚已在眼框喇！點解呀？

終於可以探到大眼仔喇！

終於可以見到大眼仔喇，我可以自己第一次試下餵奶，換片，著衫喇！有D不知所措，好細粒嘅BB呀！
要小心D呀！
出世後，因為血糖指數低，要每餐後針腳仔，驗血糖，唉！估唔到由預備生仔到仔仔出世，自己已經要經常“吉“針，而家輪到大眼仔喇！
見到佢兩隻腳仔，俾姑娘針“吉”到瘀黑，好心痛呀！幾時先可以離開呢個病房呀？

我同老公第一次同大眼仔嘅合照！

出世一日，治療中‧‧‧

大眼仔一出世，血糖指數低，所以要在兒科病房觀察，一心諗住去育嬰房睇下佢，點知中途休克，俾姑娘送左人房，亦因為咁兩日都落唔到床，被迫分開，都餵唔到人奶，唯有借住醫院個泵奶器，但都上唔到奶，點算好？到而家兩日喇，大眼仔仲未見到媽媽，剩係得爸爸黎探佢咋！

大眼BB出場喇！

登！登！登！大眼BB出場喇！

「敬畏耶和華是智慧的開端 ,認識至聖者便是聰明。 」(箴9:10)

21/6  1:45入院，經過6小時特大o既痛楚，終於生左呢個大眼仔喇！
分娩嘅一日，永世難忘，痛苦嘅六小時，因為老公未到產房，護士問我老公個電話，我竟然講左爸爸個電話出黎？！
歷代志上 4：9-10 雅比斯比他眾弟兄更尊貴，他母親給他起名叫雅比斯，意思說我生他甚是痛苦。
突然間，令我想起呢節o既聖經！