姨姨同學仔買黎嘅禮物

今晚姨姨又帶左手順返黎，係一支超大嘅螢光棒。佢話係同學仔買俾大眼仔喎！

點解個個都圍住我打主意呀，係我㗎！

同媽媽影返張合照先。

呆左冇表情。

大眼仔中秋節快樂！

媽媽幫我床仔掛的小佈置。

用螢光棒砌嘅小燈籠。

玩完，要瞓覺lu。

八月十六野餐延續篇~科技大學

今朝一早爸爸心血來潮，想去放風箏，點知11點的大㘭門，已經太多人喇，仲要所有車位都爆晒，仲要泊埋出馬路。
我地都係轉投科大lu。

開餐食火龍果。

漫步海邊去。

行到水邊，都唔敢玩水。

有哥哥喺度釣魚。

爸爸開餐lu。

中秋節快樂

爸爸今年選擇左去清水灣沙灘野餐，有公公婆婆，爺爺嫲嫲，仲有叔叔同嘉麗姐姐一齊大家慶祝中秋節。

晚上7：31滿月的時間。

媽媽為大睇仔準備應節玩具。吹泡泡，螢光棒，仲有嘉麗姐姐準備的螢光棒波波。

仲諗住大眼仔會鍾意吹泡泡，點知~得個望字。

我地嘅基地。

玩完就開餐喇，食提子。

仲有星星餅。

食過返尋味，爺爺唔該，我要食提子。

唔做垃圾蟲，自己丟垃圾。

媽媽特制用螢光棒砌燈籠。

同叔叔玩泡泡槍。

食月餅時間，大眼仔黎分月餅。

全晚活動時間，玩沙沙同埋嘉麗姐姐準備嘅波波陪住佢。

中秋節暨九月之星小組生曰飯局

農曆八月十四晚上，我去教會小組選擇左新都城的東海海鮮酒家一齊食飯做節，呢間酒樓真係唔錯，坐得舒服，招待周到，食物水物唔錯。正！

嘩！竟然仲準備左蛋糕一齊為九月之星慶祝甜日，同爸爸媽媽合照先。Yeah!!!

2013中秋晚會~同公公一齊等抽獎

今晚的飯後節目係，同公公一齊落去等抽獎。仲有扭氣球玩。
攰的時候同公司一齊坐。
悶的時候仲走去踢氣水罐。

學大人想揸車

大眼仔成日出街坐車都係坐car seat，終於到左泊好車離開car seat喇，竟然唔係揸車，係爬去前面個司機位。
一嘗揸車嘅滋味。

騎牛牛

近日爸爸同大眼仔玩騎牛牛，睇黎佢幾鍾意咁喎。但好鍾意坐左上去之後玩爸爸D頭髮同眼鏡。

瞓係度影嘅全家福

大眼仔模仿大人升級，學爸爸媽媽揸住部手機瞓喺度睇。真係好嘅唔學，壞嘅學晒。做人父母什麼艱難，要時時刻刻注意自己會唔會影響到阿仔。

好啦！順勢影返福全家福先。

為廖氏夫婦慶祝生日

今日係媽媽的正日生晨，選擇公公婆婆屋企選擇左為爸爸媽咪慶祝生日。
當然唔少得一家人嘅合照啦。

第一次食饅頭

因為大眼食對芝士、牛奶同蛋白都有敏感。當媽媽行過百佳就諗起，饅頭應該啱晒佢。
今日下午試蒸一個俾佢，果然不出所料，真係鍾意。
爸爸問大眼仔攞黎食，點知。。。
俾佢玩我地添。
https://www.youtube.com/watch?v=zHkDqGaB4VM&feature=youtube_gdata_player

不過最後都肯俾。

阿仔有冇咁攰呀？

今日出完街返到屋企瞓喺度，fing下腳仔，想點呢？