由拍拖到而家，唔知經過幾多叮噹噹叮次，想試下畫返幅畫。今日帶左呀仔出黎，就試一下啦！
我地第一次帶大眼仔黎香港公園，唔好睇少呢度喺呢度，可以消磨左一個下午。仲玩得好開心～
爸爸今日唔使打波，完左聚會之後，我地去左金鐘體驗佔中，在這裡好和平，異常乾淨，呢度仲有個自修室添，呢份堅持真係好感動！唔認同政府的做法，又為佔領的幾個地方受影響的巿民感到無奈，但中央咁堅定，你地又點收科呢？
今日夫婦小組裡面嘅4兄弟，終於可以影返幅全家幅喇。
大眼仔今晚突然變返BB仔，要爸爸抱住飲奶奶。
媽媽今日返下午，一早起身食早餐後，帶左大眼仔去寶康公園玩。大眼仔帶左兩架玩具車，自己玩紅色個架，藍色車就分享俾小朋友玩。原本喊緊嘅BB都因為佢而唔喊喇！媽媽最後請佢食糖作獎勵。
2014年9月28號開始，有學生及自發者都自己分別出金鐘、旺角、銅鑼灣、中環等佔領，令到部份馬路封閉。 爸爸媽媽去開旺角，亦帶左大眼仔出黎見識下。
兩歲三個月，仍然愛扭抱嘅大眼仔，爸爸終於低頭要買返架士的車喇！
大眼仔今晚跟左叔叔落街，返屋企竟然見到1條超大條嘅大魚氫氣球。原來佢地兩叔姪去左玩具反斗城。
媽媽今日狠心，讓大眼仔扭抱。讓佢喺玻璃門外大喊，兩歲幾嘅人仔，仲要長期扭抱。無計可施之下，唯有唯心讓佢扭抱不低頭。。。
估唔到10月份，個天氣仲咁熱，竟然仲可以遊水去。。。 今日就去左姨姨屋企個會所，波波池去得多，今日試下個泳池啦！
