神所賜的產業2012 ~ 大眼BB FUN FUN FUN: 9月 2015

2015年9月29日星期二

2015中秋篇

今年中秋，中午去左韓燒放題，晚上清清地食白粥，之後我地揀左在將軍澳體育館旁的大草地賞月。

2015年9月26日星期六

2015年9月24日星期四

帶隻螳螂返屋企

今晚爺爺帶大眼仔去公園玩，返到屋企竟然帶隻螳螂返屋企，阿仔仲話我好鍾意佢架(￣∇￣)

2015年9月19日星期六

不明來歷的暗瘡

瘡瘡已經十天了，上星期睇左私家醫生，醫生話唔係水痘，應該係俾野咬啫，所以媽媽不以為然俾佢繼續返學。
今晚決定帶大睇仔去醫院睇下，醫生話要入院觀察，今朝醫生出院渡假，星期一返去覆診，已抽含濃的去種菌，昨夜抽血，暫時食抗生素同搽野先。
講起昨晚的抽血，大眼仔真令護士醫生同爸爸媽感到意外，竟然抽血都唔驚唔喊。
事緣上十幾日前，因為佢飲完開奶茶，玩得，食得，瞓得，媽媽以為係佢好似暗瘡咁，將熱毒迫晒出黎。

2015年9月16日星期三

極速之旅

今日姐姐病左，爸爸請左假湊仔，送返學，食飯，陪瞓覺，仲要去迪士尼玩？會唔會太忙呀？
又俾佢地趕到，連媽媽放工都趕過去。又真係趕到喎，5點放工6點半到，7點係光影薈，8:15係放煙花。時間啱啱好，平時要排成粒鐘嘅遊戲，5分鐘就有喇。

2015年9月15日星期二

2015年9月11日星期五

開學後12天的回顧

2號開學回家，大眼仔已經心情興奮，好鍾意呢間學校，我同大眼仔口中稱為大學校，以前返的係細學校。
嫲嫲都覺得呢間學校好。

4號大瞓仔同工人姐姐表示，佢而家返大學校喇，要去大學校瞓覺喇!

還記得在大眼仔1歲的時候，寄左好幾間的學校面試幼兒學校，果段時間，我同大眼仔每天晚上的祈禱，求神為大眼仔預備適合佢的學校，點名為每間寄表去的學校祈禱，求主帶領。當然最後去左間規模細D的，竟然在1年後，神為大眼仔預備這所學校，果然在祂裡面每一個祈禱交託，不會落空，祂有祂的時間表。

8號我同爸爸都一齊陪返學，更認定這所是1間好學校，為小孩子設想的。

昨晚，臨瞓前，大眼仔講，明天要返中英數班喇，佢話唔得，佢要返大學校，唔要老師放假，可想而知佢超鍾意返。

大眼仔，願你在這所神為你預備的學校，開心快樂的成長。

2015年9月8日星期二

今年媽媽生日心存感恩，學校裡工作對於陪仔仔返幼稚園確實係用錢都買唔到的待遇，雖然我都唔可以一開學就陪，但竟然在我生日當天，大眼仔仍然要家長留校陪頭兩小時。
仲要咁啱爺爺需要覆診，爸爸已經一早請左假，誰知在昨晚叔叔話佢都有得放假，我們一家得以順理成章可以放左學直接入去迪士尼玩。
對於我成個暑假，不單冇去旅行，冇放長假休息，仲要經歷災難的月份都真冇晒心機。這天不單對我黎講係感恩滿足的1天，還對仔仔黎講係非常開心的1天，感謝主祢為我所預備。